Le 7 Sorelle
Un iuornu vosi fari lu signuri Na cullana di perli e di diamanti Dicennu:”Chistu è rignu di ll’amuri Lu paradisu di tutti ll’amanti. A prima la chiamau Alicudi, la cchiù sirvaggia, a sapuritedda c’havi lu cori di ‘na viddanedda e canta quannu cantanu l’acedda. A suoru la chiamau Filicudi, cu ‘n anciulu di petra pi uardianu e a curazza ‘i Capu Grazianu pari a punta di ‘nu talismanu. Poi vinni Salina,a superba Chi fu salata, a voti zuccarata, c’havi li mani di ‘na bedda fata quannu nu’ batti a tramuntanata. Di Strombuli nni fici ‘nu rubbinu
Chi sputa focu e fiammi pi lo so caminu. A sira, quannu rogna cu lu ventu, mitti paura ‘nto cori e lu spaventu. Di Panaria bastau ‘na pinnillata Pi fari cchiù nica la cchiù amata E Vurcanu chi fu prisu ‘i gelusia Si scurdau chi Lipari esistia. ‘na sira di tempesta si staccau di li vrazza di la so bedda matri e sulu sulu si ‘nni vosi stari cu lu crateri e lu so beddu mari. Fu Lipari a perla du Tirrenu Chi cumbattiu contru lu Saracenu E vigila gilusa du castieddu Di lu Cannitu nuostru o Capisteddu
Benito Merlino
